Колумбия Вакиллар палатаси (парламентнинг қуйи палатаси) президент Иван Дукега нисбатан тергов ишини очди. У 2018 йилги президентлик сайловларида сайловчиларнинг овозини сотиб олишга гумонланмоқда. Бу ҳақда айблов комиссияси раҳбари Жон Хайро Карденасга таяниб, «ТАСС» хабар берди.
«Биз республика президентига нисбатан расман тергов бошлашга қарор қилдик», — дейди Карденас.
Карденаснинг таъкидлашича, комиссияга депутат Давид Расеродан президентга нисбатан шикоят келиб тушган. Унда сиёсатчи Конгресснинг собиқ аъзоси Аида Мерланога таяниб, Дукени 2018 йилги президентлик кампаниясида коррупцион схемалардан фойдаланишда айблаган.
Изоҳ (0)