Жанубий Кореяда янги турдаги COVID-19 коронавируси билан касалланиш бўйича яна 84 та ҳолат қайд этилди, бир киши вафот этди. Бутун мамлакат бўйлаб эса касалликка чалинганлар сони 977 кишини ташкил этмоқда, жами 10 киши вафот этган. Бу ҳақда Жанубий Корея касалликлар профилактикаси ва уларни назорат қилиш марказига таяниб, «РИА Новости» хабар берди.
Аввалроқ касалланганлар сони 893 кишига етгани, Жанубий Корея эпидемиологик хавф даражасини учинчи «тўқ сариқ»дан тўртинчи «қизил» даражага кўтарган эди.
Қайд этилишича, 10 нафар бемор вафот этган, 22 бемор тузалган, яна 13 880 кишининг таҳлиллари ҳали ҳам кўриб чиқилмоқда. Олти нафар бемор оғир аҳволда. Вафот этган 8 нафар беморнинг 6 нафарида касалланиш ҳолатлари Тенам округида жойлашган Чхондо шаҳридаги шифохона билан боғлиқ.
KCDC маълумотларига кўра, янги касалланиш ҳолатларининг 44 таси Тэгу шаҳрида, 23 таси Кенсан-Пукто провинциясида, қолганлари мамлакатнинг турли ҳудудларида аниқланган..
Тэгу шаҳри ва унга қўшни Кенсан-Пукто провинциясига касалланганларнинг 791 нафари, яъни мамлакат бўйича коронавирусга чалинганларнинг 80 фоизи тўғри келади. Шу сабабли Жанубий Корея авикомпаниялари у ерга авиқатновларни чеклаган. Айнан Тэгу шаҳрида вирус билан касалланган 61 ёшли аёл Синчхонжи диний ташкилотига келиб, ўзи билмаган ҳолда минглаб одамларга уни юқтирган эди.
Мамлакат президенти Мун Чже Ин сешанба куни Тэгуга ташриф буюрди ва у ерда фавқулодда молиявий ёрдам беришни ваъда қилди. У вазиятни «ўта жиддий» деб атаган ва шаҳарни «офатлар махсус зонаси» деб эълон қилишнинг ўзи етарли эмаслигини айтган.
Айни пайтда Тэгу ва Кенсан-Пукто провинцияси махсус эпидемиологик назорат ҳудудлари деб эълон қилинган.
Мавзуга доир:
Изоҳ (0)