Ўзбекистон Давлат божхона қўмитаси чегара божхона постлари орқали 2020 йил январь ойи давомида ҳаракатланган енгил ва юк автотранспорт воситаларининг божхона расмийлаштируви учун сарфланган умумий ўртача вақт тўғрисидаги маълумотларни эълон қилди. Рақамлар Давлат очиқ маълумотлар порталига жойлаштирилган.
Маълум бўлишича, 2020 йил январь ойи давомида Ўзбекистоннинг чегара божхона постлари орқали жами 93 270 та енгил ва юк автотранспорт воситалари ҳаракатланган бўлиб, уларнинг божхона расмийлаштируви учун ўртача 24 дақиқа 27 сония сарфланган.
Шундан енгил автотранспорт воситалари 64 962 тани ташкил қилиб, уларнинг божхона расмийлаштируви учун ўртача 10 дақиқа 28 сония сарфланган.
Айни вақтда, юк автотранспорт воситалари 28 308 тани ташкил қилиб, уларнинг божхона расмийлаштируви учун ўртача 38 дақиқа 26 сония сарфланган.
Изоҳ (0)