Навоий вилоятида 26 ёшли фуқаро фирибгарлик қурбони бўлди. Бу ҳақда ИИВ ҳузуридаги Тергов департаменти хабар бермоқда.
Қайд этилишича, 18 февраль куни 26 ёшли М.К. фирибгарлик жинояти бўйича Навоий шаҳар ИИБга ариза билан мурожаат қилган.
Унда МЧЖ раҳбари 32 ёшли Ф.Э. биргаликда тадбиркорлик билан шуғулланишни таклиф қилиб, 2019 йил сентябрь ойида ундан 260 миллион сўм пул олиб, шу кунга қадар берган ваъдасини бажармай, пулларни ўз эҳтиёжи учун ишлатиб юборганлигини билдирган.
Ҳозирда ҳолат юзасидан Жиноят Кодексининг 168-моддаси 4-қисми «а» банди (фирибгарлик) билан жиноят иши қўзғатилган. Тергов ҳаракатлари давом этмоқда.
Изоҳ (0)