Ўзбекистон Солиқ кодексининг янгиланган таҳририда «Google солиғи» белгилаб қўйилгани ҳақида хабар берилганди. «Яндекс»нинг Ўзбекистондаги минтақавий директори лавозимида бир неча йиллар ишлаган Евгений Лукянчиков «Google солиғи» — икки томонлама солиққа тортилишга олиб келиши мумкинлигини маълум қилган. Давлат солиқ қўмитаси эса икки томонлама солиққа тортиш бўйича гап бўлиши мумкинмаслигни билдирди.
Таъкидланишича, 2020 йилда Ўзбекистон чет эл компаниялари томонидан тақдим этиладиган электрон хизматларга қўшилган қиймат солиғини жорий этиш орқали рақамли бозорни замонавий молиявий бошқарув тизимига ўтган.
Солиқ кодексининг янги таҳририда ўз мамлакатида бўла туриб интернет тармоғи орқали Ўзбекистондаги жисмоний шахсларга хизмат кўрсатадиган хорижий юридик шахслар учун 15 фоиз миқдорида ҚҚС белгиланган.
Бу каби электрон хизмлатларга қуйидагилар кириши мумкин: дастурий таъминотдан фойдаланиш ҳуқуқини тақдим этиш (хусусан, онлайн-ўйинлар), электрон китоблардан ва бошқа контентлардан фойдаланиш ҳуқуқи, онлайн-реклама ва ҳоказо.
«Оммавий ахборот воситаларида бу ‘Google солиғи’ дейилмоқда — бу халқ орасида тарқалган норасмий ном. Бу янги солиқ тури эмас, балки барчага таниш бўлган ҚҚС доирасининг кенгайишидир», — дейилади қўмита хабарида.
Истеъмолчи ҚҚСни билвосита солиқ сифатида тўлайди, хорижий компаниялар эса ҚҚС хизматларининг нархини 15 фоизи миқдорида белгилаган ҳолда истеъмолчилардан солиқ суммасини олади ва уни Ўзбекистон бюджетига йўналтиради.
«Мазкур янгилик ушбу компанияларнинг даромад солиқларига ҳеч қандай таъсир кўрсатмайди. Хорижий компаниялар Ўзбекистонда даромад солиғини тўловчилар ҳисобланмайди. Шу сабаб халқаро битимлар бўйича икки томонлама солиққа тортилиш ҳақида гап бўлиши мумкин эмас», — дейилади хабарда.
Хорижий компанияларнинг Ўзбекистон солиқ органлари билан алоқасини соддалаштириш мақсадида махсус сервис — «ҚҚС интернет-компанилари офиси» ташкил этилган. Унинг ёрдамида хорижлик солиқ тўловчилар онлайн равишда қуйидагиларни амалга ошира олади:
- Солиқ хизматининг махсус электрон аккаунти орқали рўйхатдан ўтиши;
- Солиқ ҳисоботлари ва бошқа ҳужжатларни тўлдириши ва юбориши;
- Ҳар чорак мустақил равишда ҚҚС тўлаши;
- Тўланган солиқ ва мавжуд қарздорликни кўриши;
- Солиқ органлари билан алоқда бўлиши.
Изоҳ (0)