24—28 февраль кунлари Литванинг Сейм (парламент) вице-спикери Ирена Шяулене бошчилигидаги делегация Ўзбекистонга келади. Бу ҳақда Ўзбекистон Ташқи ишлар вазирлиги хабар берди.
Литва делегациясининг ташрифи давомида меҳмонлар билан Олий Мажлиси Қонунчилик палатаси, Халқ таълими, Олий ва ўрта махсус таълим вазирликлари, Савдо-саноат палатаси раҳбарияти билан ҳамда Тошкент шаҳри ва Самарқанд вилояти ҳокимликларида учрашувлар ўтказилади.
Шунингдек, хорижий давлат делегацияси Тошкент ва Самарқанд шаҳарларида EDUFAIR — Education and Career Exhibition — 2020 халқаро намунали кўргазмада иштирок этади.
Изоҳ (0)