Хитой Туркманистондан умумий қиймати 200 минг доллар бўлган бир миллионта тиббий ниқоб сотиб олди. Бу ҳақда Turkmenportal хабар берди.
Қайд этилишича, уч қаватли бир марталик ҳимоя ниқоблари Туркманистон Соғлиқни сақлаш вазирлиги ва тиббий саноат корхоналарида ишлаб чиқарилган.
Хабарда айтилишича, Хитойда коронавирус сабабли тиббий ниқоблар тақчиллиги сезилмоқда. Жаҳон соғлиқни сақлаш ташкилоти коронавирусни халқаро аҳамиятга молик фавқулодда ҳодиса деб атаган.
Аввалроқ ЖССТ коронавирус туфайли тиббиёт ниқобларига талаб 100 баравар ошишини тахмин қилган эди.
Россиянинг Хабаровск ўлкаси аҳолиси коронавирус туфайли ниқоб тақиб юришга мажбурланган эди. Шанхайда эса жамоат жойларида ниқобсиз юриш ман этилган. Таиландда тиббий ниқоб тақишдан бош тортган сайёҳларни мамлакатдан чиқариб юбориш таклиф қилинган эди.
Time журнали янги сонининг муқовасига тиббий ниқобдаги Си Цзиньпин портретини жойлаштирди. Жанубий Кореяда бир неча минг жуфтликнинг оммавий никоҳ тўйи бўлиб ўтди ва улар қаторида бир жуфтлик тўйни тиббий ниқобда ўтказган.
Сўнгги маълумотларга кўра, Хитойда янги турдаги COVID-19 коронавирусини юқтириб олганлар сони 72 минг кишидан ошиб кетди.
Мавзуга доир:
- ЖССТ коронавирус туфайли тиббиёт ниқобларига талаб 100 баравар ошишини тахмин қилмоқда
- «500 сўмдан 5000 сўмгача ошди». «Дарё» Ўзбекистон дорихоналаридаги тиббий ниқоблар нархини ўрганди
- «Битта дорихонада кунига 700 дона маска сотилмоқда». Тошкент дорихоналарида ниқобларнинг дефицити кузатилмоқда
- Ўзбекистонлик йигит 300 дан ортиқ тиббий ниқобларни Қирғизистондан ноқонуний олиб чиқишга уринди
Изоҳ (0)