Буюк Британия ҳукумати об-ҳаво башорати аниқлигини оширадиган суперкомпьютерни яратиш учун 1,2 миллиард фунт стерлинг (1,6 миллиард доллар) ажратди. Бу ҳақда Meduza хабар бермоқда.
Компьютернинг ўзи 850 миллион фунт туради, қолган маблағ метеорологик хизматнинг тегишли тадқиқотлари учун сарфланади.
Британия расмийлари суперкомпьютер ёрдамида довулларни башорат қилиш, табиий офатлар авж олганда вазиятга тезкорлик билан ёндашиш ва тошқинлар пайтида хавфсиз манзилларни топишга умид қилмоқда. Шунингдек, қурилма иқлим ўзгаришларини ҳам кузатиб бориши мумкин.
Янги суперкомпьютер 2022 йилда фойдаланишга топширилиши кутилмоқда.
Изоҳ (0)