Apple корпорацияси ўз инвесторларини коронавирус тарқалгани туфайли Хитойдаги корхоналари ишини тўхтатгани учун смартфонлар етказиб беришни чеклашга мажбур бўлгани ҳақида огоҳлантирди. Бу ҳақда Meduza хабар берди.
Бундан ташқари, Apple вакиллари коронавирус туфайли корпорация учун энг йирик бозорлардан бири бўлган — Хитойда iPhone’ларга бўлган талаб тушиб кетганини ҳам айтиб ўтди.
Apple инвесторларни жаҳон бозорларида iPhone танқислиги ва Хитойда савдонинг пасайиши корпорация жорий чоракда эълон қилинган даромад кўрсаткичларига эриша олмаслиги мумкинлигидан огоҳлантирди.
Эслатиб ўтамиз, Хитойда янги турдаги COVID-19 коронавирусини юқтириб олганлар сони 72 минг кишидан ошиб кетди. Вирус оқибатида вафот этганлар сони эса 1868 кишига етди.
Изоҳ (0)