Тошкентда тадбиркордан 34 минг доллар пора олган «бозорқўм» ўринбосарига нисбатан жиноят иши қўзғатилди

«Юнусобод деҳқон бозори» «бозорқўм»ининг собиқ ўринбосарига нисбатан жиноят иши қўзғатилди. Бу ҳақда Бош прокуратура матбуот хизмати «Дарё»га хабар берди.

Хабарда айтилишича, «бозорқўм»нинг собиқ ўринбосари тадбиркор Ф.Н.дан бозор ҳудудида учта дўкон очиш ва олтита музлатгич ўрнатиши учун 34 минг доллар пора сўраган. Тадбиркор сўралган пулларни берган, бироқ «бозорқўм»нинг собиқ ўринбосари ваъдасини бажармай, пулларни ўз эҳтиёжига сарфлаб юборган.

Ҳолат юзасидан жиноят иши қўзғатилган. Тергов ҳаракатлари олиб борилмоқда.