Якунига етаётган ҳафтанинг энг қизиқарли суратлари жамланмасини эътиборингизга ҳавола этамиз.

Ухань, Хитой

Коронавирус ўчоғи ҳисобланган Ухань шаҳридаги супермаркет кассири ҳимоя воситаларидан фойдаланган ҳолда ишламоқда. Коронавирус туфайли вафот этганлар сони 1500 кишидан, касалланганлар сони 66 минг нафардан ошиб кетди.

Фото: Getty Images

Бурса, Туркия

Томи оппоқ қор билан қопланган уйлар.

Фото: Getty Images

Нью-Йорк, АҚШ

Нью-Йоркдаги мода ҳафталигида подиумга чиққан модель.

Фото: Getty Images

Богота, Колумбия

Боготада корридолар мавсуми бошланди.

Фото: EPA

Каминас, Сурия

Каминас қишлоғи атрофидаги турк ҳарбийлари. Туркия Идлибда назорат ўрнатиш учун Сурияга яна қўшин жўнатди.

Фото: Getty Images

Қўқон, Фарғона вилояти

Қўқондаги чойхонада юз берган отишмадан сўнг қўлга олинган шахслардан олиб қўйилган арбалет.

Фото: Фарғона вилояти ИИБ

Бристоль, Буюк Британия

Бристолдаги ҳайвонот боғида Валентин куни нишонланди.

Фото: PA

Пекин, Хитой

Устига пластик кийим, юзига ниқоб тақиб олган эр-хотин Пекиндаги супермаркетда харидларни амалга оширмоқда.

Фото: Getty Images

Февраль бошида Ўзбекистонга ташриф буюрган АҚШ давлат котиби Майкл Помпео Ўзбекистон коронавирусга қарши туришга тайёр эмаслигини билдирган. 14 февраль ҳолатига кўра, коронавирус касаллиги Ўзбекистонда қайд қилинмаган. Коронавируснинг олдини олиш учун Ўзбекистонда ўқув машғулотлари ўтказилиб, дезинфекция ишлари олиб борилмоқда.

Лос-Анжелес, АҚШ

Иккинчи даражали энг яхши актёр номинациясида «Оскар» олган Брэд Питт ўз мукофотига исми ёзилишини табассум билан кутмоқда. У актёр сифатида илк бор «Оскар»ни қўлга киритди.

Фото: Reuters

Жанубий Уэльс, Австралия

Ўрмон ёнғинлари сабаб етим қолган кенгуру.

Фото: Reuters

Сингапур

Машғулот лагеридаги ҳарбий аёллар иситмасини ўлчамоқда.

Фото: EPA

Валенсия, Испания

Фермерлар ўз маҳсулотларига белгиланган нархлар туфайли норозилик акцияси ўтказди. 800 та трактордаги фермер буқалар жанги ўтказиладиган арена ёнидан ўтиб кетмоқда.

Фото: Getty Images

Эпплби-ин-Уэстморленд, Англия

Буюк Британияга «Киара» тўфони ёпирилди. Кучли шамол ва сув тошқинларини юзага келтирган тўфон туфайли поезд, самолёт ва паром қатновлари бекор қилинди.

Фото: PA

Касабланка, Марокаш

Жума намозидан кейин Ҳассан II масжидидаги оила. Ушбу масжида Африкадаги энг катта масжидлардан бири ҳисобланади.

Фото: AP Photo

Накхонратчасима, Таиланд

Ҳарбийлар Terminal 21 савдо марказидаги оммавий отишма пайтида гаровга олинган аёлни қутқармоқда. 8 февраль куни Накхонратчасима шаҳрида ҳарбий хизматчи Жакрапант Томма бир неча хизматдошини отиб ташлаб, ҳарбий автомобилни ўғирлади ва савдо марказини ўққа тутди. Ҳодиса оқибатида 26 киши ҳалок бўлиб, ўнлаб одамлар жароҳат олди.

Фото: EPA

Эквадор

Эквадордаги Ллагантес миллий боғида ламалар ўртасидаги пойгага тайёрланаётган қизалоқ.

Фото: AP Photo

Идлиб, Сурия

Сурия ҳарбий-ҳаво кучлари вертолёти «Жабҳат ан-Нусра» террорчилари томонидан уриб туширилди. Экипаж аъзоларининг бари ҳалок бўлди.

Фото: AP Photo

Гавана, Куба

Турникда машқ қилаётган ўсмирлар.

Фото: AP Photo

Катакви, Уганда

Мудофаа қўшинлари аскари сариқ чигирткани ушлаб турибди. Уганда ҳукумати чигирткаларга қарши курашиш учун ҳарбийларни юборди. Чигирткалар Кенияда экин майдонларини еб битирди. Улар Эфиопия ва Сомалига ҳам хавф солмоқда. Чигирткалар туфайли Африка шарқида очарчилик юзага келиши мумкин.

Фото: Getty Images

Франкфурт, Германия

«Киара» тўфони туфайли Франкфуртдаги бош черков томига кран қулаб тушди. Кучли шамол ва ёмғир сабаб Германияда ҳаво, темирйўл ва денгиз қатновлари тўхтаб қолди. Бир нечта спорт мусобақалари, шунингдек, баъзи мактабларда машғулотлар бекор қилинди. Электр узилиб, мамлакат ғарбидаги кўплаб объектларга зарар етди.

Фото: Getty Images

Онтарио, Канада

Мейсам Салоҳий укаси Муҳсин Салоҳий ва келини Маҳса Амирлиравининг суратини ушлаб турибди. Муҳсин ва Маҳса Эрон томонидан уриб туширилган Украина самолёти бортида бўлган.

Фото: Reuters

Пекин, Хитой

Сигвей устидаги эркак дўконда харидларни амалга оширмоқда. Бутун Хитойдан 25 мингдан ортиқ тиббиёт ходими коронавирус ўчоғи ҳисобланган Хубэй провинциясига юборилди.

Фото: Getty Images

Байрут, Ливан

Полиция парламент биноси олдидан намойиш ўтказаётганларни тарқатиб юбориш учун кўздан ёш оқизувчи газлардан фойдаланмоқда.

Фото: AP Photo

Нью-Йорк, АҚШ

Мода ҳафталиги доирасида Marc Jacobs коллекцияси намойиши.

Фото: Reuters

Эдинбург, Шотландия

Шотландияда 20 йил ичида иккинчи марта шимпанзе туғилди.

Фото: «ТАСС»

Шанхай, Хитой

Шанхай минораси ва Шанхай бутунжаҳон молиявий маркази биноларининг тепа қисми шаҳарни қалин туман қоплаган вақтда.

Фото: Getty Images