Бутун Хитойдан 25 мингдан ортиқ тиббиёт ходимлари коронавирус ўчоғи ҳисобланган Хубэй провинциясига етиб келди. Бу ҳақда Соғлиқни сақлаш миллий комиссияси раҳбари ўринбосари Ван Хешенга таяниб, «РБК» хабар берди.
Ван Хешеннинг сўзларига кўра, Хубэй провинциясига жами 25 633 нафар шифокордан иборат 217 та тиббиёт бригадаси юборилган. Хешеннинг таъкидлашича, армия томонидан вирусга қарши курашиш учун юборилган ҳарбий шифокорлар юқоридаги шифокорлар қаторига кирмайди.
Ухань шаҳрининг ўзига бевосита 20 374 нафар тиббиёт ходими йўналтирилган.
Сўнгги маълумотларга кўра, Хубэй провинциясида бир сутка давомида янги турдаги COVID-10 коронавируси билан касалланганлар сони 2420 кишига ортган бўлиб, провинцияда касалликка чалинганларнинг жами сони 54 406 кишига етган.
Изоҳ (0)