“Navoiy” xalqaro aeroportida “Yangi turdagi koronavirus infeksiyasini viloyat hududiga kirib kelishi va tarqalishini oldini olishga qaratigan maxsus-taktik o‘quv mashqi o‘tkazildi. Bu haqda “Daryo”ga viloyat Favqulodda vaziyatlar boshqarmasi matbuot xizmati xabar berdi.

Foto: Navoiy viloyati favqulodda vaziyatlar boshqarmasi matbuot xizmati

Maxsus-taktik o‘quv mashqining maqsadi yangi turdagi koronavirus kasalligi epidemiyasi va epizootiyasiga qarshi profilaktik chora-tadbirlarni amalga oshirish, viloyat doimiy tayyorgalikdagi xizmatlari shaxsiy tarkibining yangi turdagi koronavirus kasalligi o‘chog‘ini bartaraf etish bo‘yicha ko‘nikmalarini takomillashtirish, kasallik o‘chog‘ini bartaraf etishga jalb etiladigan kuch va vositalarning hamkorlikdagi harakatlarini muvofiqlashtirish hamda xizmatlarning tegishli hamkorlikda harakat qilish rejalariga aniqliklar kiritish etib belgilandi.

Maxsus-taktik o‘quv mashqi saf ko‘rigi, xorijiy davlatdan uchib kelgan yo‘lovchi tashish samolyotida sanitariya-karantin punkti xodimi tomonidan koronavirusning yangi turiga gumon qilingan shartli bemorni aniqlash, kasallikka gumon qilingan bemorni tibbiy nazoratdan o‘tkazish, tana harorati yuqori bo‘lgan, o‘zini yomon his qilayotgan yo‘lovchi va kasallikka gumon qilingan yo‘lovchi bilan muloqotda bo‘lgan yo‘lovchilarni maxsus transportlarda tibbiyot birlashmasiga jo‘natish, havo kemasi va sanitar-karantin punktini dezinfeksiya ishlovidan o‘tkazish hamda kasallik tarqalishini oldini olish va bartaraf etish bosqichlarida o‘tkazildi.

Foto: Navoiy viloyati favqulodda vaziyatlar boshqarmasi matbuot xizmati

Foto: Navoiy viloyati favqulodda vaziyatlar boshqarmasi matbuot xizmati

Foto: Navoiy viloyati favqulodda vaziyatlar boshqarmasi matbuot xizmati

O‘quv mashqidan so‘ng o‘quv mashqi ishtirokchilari tomonidan erishilgan yutuqlar va yo‘l qo‘yilgan kamchiliklar muhokama qilindi.

O‘tkazilgan maxsus-taktik o‘quv mashqiga viloyatdagi doimiy tayyorgalik xizmatlaridan 203 nafar shaxsiy tarkib va 16 ta maxsus texnika jalb qilindi.

Foto: Navoiy viloyati favqulodda vaziyatlar boshqarmasi

Foto: Navoiy viloyati favqulodda vaziyatlar boshqarmasi

Foto: Navoiy viloyati favqulodda vaziyatlar boshqarmasi

Foto: Navoiy viloyati favqulodda vaziyatlar boshqarmasi

Foto: Navoiy viloyati favqulodda vaziyatlar boshqarmasi

Foto: Navoiy viloyati favqulodda vaziyatlar boshqarmasi matbuot xizmati

Foto: Navoiy viloyati favqulodda vaziyatlar boshqarmasi matbuot xizmati

Foto: Navoiy viloyati favqulodda vaziyatlar boshqarmasi matbuot xizmati

Foto: Navoiy viloyati favqulodda vaziyatlar boshqarmasi matbuot xizmati

Foto: Navoiy viloyati favqulodda vaziyatlar boshqarmasi matbuot xizmati

Foto: Navoiy viloyati favqulodda vaziyatlar boshqarmasi matbuot xizmati

Foto: Navoiy viloyati favqulodda vaziyatlar boshqarmasi matbuot xizmati

Eslatib o‘tamiz, Toshkentda ham koronavirusga qarshi kurash bo‘yicha profilaktika tadbirlari o‘tkazilmoqda. Xususan, “Farhod” va “O‘rikzor” bozorlari, shuningdek, poytaxtdagi avtobuslar yuqumli kasalliklarga qarshi dezinfeksiya qilingan.

Ma’lumot uchun, Xitoyda koronavirus oqibatida vafot etganlar soni 1110 kishidan oshib ketdi. Ekspertlar Xitoyda tarqalgan koronavirusga qarshi birinchi vaksina 18 oydan keyin paydo bo‘lishi mumkinligini ma’lum qildi. Shuningdek, O‘zbekiston Xitoyga gumanitar yordam yubordi.