Uxanda qurilayotgan kasalxona, Afrikadagi chigirtkalar, Turkiyadagi zilzila. Haftaning eng qiziqarli suratlari

“Daryo” ushbu haftaning eng qiziq suratlari jamlanmasini taqdim etadi.

Uxan, Xitoy

Tibbiyot xodimlari pnevmoniya bilan kasallangan bemorni shifoxonaga olib kirib ketmoqda. Hozirgacha koronavirus oqibatida Xitoyda 56 kishi halok bo‘ldi.

Toshkent

Prezident Shavkat Mirziyoyev Oliy Majlisga Murojaatnoma yo‘llamoqda.

Mellengajeri, Avstraliya

Qizaloq qum bo‘roni tomon yugurib ketmoqda.

Sumatra, Indoneziya

Buqa va sigirlar bilan uyushtiriladigan an’anaviy poyga

Munshiganj, Bangladesh

Gulzorda qizini ko‘tarib turgan erkak.

Barselona, Ispaniya

Ispaniyaga yopirilgan “Gloriya” to‘foni. Hozirgacha to‘fon oqibatida 10 dan ortiq kishi halok bo‘ldi.

Tekun-Uman, Gvatemala

Meksika tomon harakatlanayotgan migrantlar Suchiate daryosini kesib o‘tmoqda.

Antarktika

50 yoshli Lyuis Pyu eriyotgan muz bo‘laklari orasida 10 daqiqa 17 soniya davomida suzdi.

Toshkent

Rustam Inoyatov va Zilemxan Haydarov Senatning birinchi yalpi majlisi boshlanishi oldidan suhbatlashmoqda.

Vinburg, JAR

Uzoq yillar Gvatemaladagi sirkda og‘ir sharoitlarda yashagan yo‘lbars Vinburg yaqinidagi yovvoyi qo‘riqxonaga qo‘yib yuborilmoqda.

Uxan, Xitoy

Xitoyda koronavirusdan kasallanganlar uchun 1000 kishilik shifoxona qurilmoqda. Uni 10 kun ichida bitirish rejalashtirilgan.

Kitui, Keniya

Fermerning qizi dalaga yopirilgan chigirtkalarni haydashga urinmoqda. O‘z yo‘lida uchragan o‘simliklarni yeb bitirayotgan chigirtkalar tufayli Afrika sharqida ocharchilik yuzaga kelishi mumkin.

Parij, Fransiya

Parijdagi moda haftaligida Balmain kolleksiyalari namoyishi.

Lorel, Filippin

Filippindagi Taal vulqoni otilishi oqibatida qulab tushgan tom ostidagi kuchuk.

Mumbay, Hindiston

Mumbaydagi ko‘p qavatli uyning tashqi tomoni.

Kanchanaburi, Tailand

Safari parkidagi turistlar mashinasi ichini qiziqish bilan tomosha qilayotgan jirafa.

Melburn, Avstraliya

Amerikalik tennischi Serena Uilyams Avstraliya ochiq chempionatining ikkinchi bosqichidagi sloveniyalik Tamara Zidanshekka qarshi bahsda to‘pni o‘yinga kiritmoqda.

Elazig, Turkiya

Qutqaruvchilar zilzila vayronalari ostidan jabrlangan ayolni olib chiqmoqda. Hodisa oqibatida hozirgacha 20 kishi halok bo‘ldi.

Medelyin, Kolumbiya

Hayvonot bog‘idagi maymuncha jaziramadan saqlanmoqda.

Pekin, Xitoy

Odamlar muzlab qolgan Kunmin ko‘li ustida chana uchmoqda.

Kenguru oroli, Avstraliya

Yonib ketgan butazorlar orasidagi vallabi (kengurular oilasiga mansub hayvon).