Samsung компанияси 11 февраль, сешанба куни, Сан-Францискода ўтказилган тақдимот маросимида ўзининг янги телефонларини намойиш этди. Янги қурилмалар қаторидан Galaxy S20, S20+ ва S20 Ultra, шунингдек, эгилувчан Samsung Galaxy Z Flip ўрин олган, деб хабар беради Meduza.
Samsung Galaxy S20, S20+ ва S20 Ultra телефонларига HDR10+ технологиясини қўллаб-қувватловчи 6,2, 6,7 ҳамда 6,9 дюймли AMOLED дисплейлари ўрнатилган.
https://twitter.com/SamsungMobile/status/1227322817772838914
S20 флагманига иккита кенг ўлчамли 12 мегапикселли камералар, шунингдек, 64 мегапикселли телеобъектив ўрнатилган. S20+ қурилмасида эса уч ўлчамли объектларни тасвирга олиш учун қўшимча камера мавжуд. S20 Ultra’га 12 ва 108 мегапикселли кенг ўлчамли иккита камера, шунингдек, 48 мегапикселли телеобъектив ўрнатилган. Қурилма 8K форматидаги видеоларни ҳам «кўтара олади».
Ушбу моделларда Space Zoom функцияси мавжуд бўлиб, у гибрид оптик зум ва сунъий интеллект ёрдамида ишловчи рақамли яқинлаштиргич бирлашмасидир. S20 ва S20+ қурилмалари тасвирни 30 маротабагача, S20 Ultra эса 100 мартагача яқинлаштира олади.
Samsung never ceases to amaze!#SamsungUnpacked pic.twitter.com/mQragJlu7L
— Kavin Kathirvel (@KavinKathirvel) February 11, 2020
S20 телефони камералар тизими қоронғи хоналарда ҳам сифатли тасвир олиш имконини беради. Мазкур қурилма учун телефон олинган бир нечта тасвирларни биттага умумлаштиради.
https://twitter.com/SamsungMobile/status/1227315224774004736
Учала қурилмага ҳам Guardian Chip процессорлари ўрнатилган бўлиб, ички хотиралари 128—512 гигабайт оралиғида. Тезкор хотираси 8 дан 12 гигабайтгача, аккумулятор сиғими эса 5000 mA/соатгача ташкил этади.
Россияда ушбу флагман қурилмалари 13 мартдан сотувга чиқади. Қизил, кул ранг ва ҳаворанг рангларда чиқувчи Galaxy S20 қурилмаси 1100 доллардан, S20+ флагмани 1264 доллардан, S20 Ultra эса қарийб 1600 доллардан сотувга чиқиши кутилмоқда.
Изоҳ (0)