OAV: Turkmanistonda koronavirusdan bir kishi vafot etdi. Marhum haqidagi ma’lumotlar qat’iy sir saqlanmoqda

Turkmanistonning Lebob viloyatida Xitoydan evakuatsiya qilingan Turkmaniston fuqarolari hamda China National Petroleum Corporation (CNPC) kompaniyasining xitoylik ishchilari uchun qurilgan lager hududida koronavirus kasalligidan bir kishi vafot etdi.

Tengrinews’ning yozishicha, bu haqda OAVga mamlakat Sog‘liqni saqlash va tibbiy sanoat vazirligining davlat sanitariya-epidemiologiya xizmatidagi manba maxfiylik sharti asosida xabar berdi.

Qayd etilishicha, marhum haqidagi ma’lumotlar qat’iy sir saqlanmoqda. Turkmen.news nashri marhumning Xitoydagi universitetlardan birida o‘qigan talaba yigit ekanligini bilishga muvaffaq bo‘lgan. Uning tanasi krematoriyda yoqib yuborilgan.

Yana bir kishi Mari viloyatida yashovchi o‘rta yoshli fuqaro “ilgari noma’lum bo‘lgan virusli infeksiya alomatlariga ega”. U og‘ir ahvolda Lebob viloyatidagi karantinda bo‘lib turibdi.

Avvalroq tojikistonlik talabalar Toshkent orqali o‘z yurtiga qaytayotgani haqidagi xabar berilgan edi.

So‘nggi ma’lumotlarga ko‘ra, Xitoyda koronavirus oqibatida vafot etganlar soni ming kishidan oshib ketdi.