Жиноят ишлари бўйича Самарқанд шаҳар суди томонидан Жиноят кодексининг 139-моддаси 3-қисми «а, г» ва 140-моддаси 3-қисми «а» банди билан судланувчи 1982 йилда туғилган, Самарқанд шаҳрида яшовчи Х.Н.ни 7 февраль, жума куни, жиноят ишлари бўйича Самарқанд шаҳар судига мажбурий келтириш тўғрисида қарор қабул қилиниб, ушбу қарор ижросини таъминлаш Самарқанд шаҳри ички ишлар органлари ходимларига юклатилган бўлиб, масъул ходимлар қарор ижросини таъминлаш мақсадида фуқаро Х.Н.нинг иш жойига борган вақтида, фуқаро Х.Н. ёнида бўлган уяли телефон аппаратини олиб, ходимларни видеотасвирга тушириб, уларга нисбатан турли ноўрин сўзлар, бўҳтон гапларни гапириб, ходимларнинг қонуний ҳаракатларига фаол қаршилик кўрсатган.
Самарқанд шаҳар прокуратураси масъул ходимлари воқеа жойига чиқиб, ҳолат бўйича тегишли ҳужжатларни расмийлаштириш жараёнида ҳам фуқаро Х.Н. шаҳар прокуратураси терговчисига нисбатан турли бўҳтон сўзларни гапириб, носамимий муносабатда бўлган.
Ҳозирда мазкур ҳолат юзасидан Самарқанд шаҳар прокуратураси томонидан терговга қадар текширув ишлари олиб борилмоқда, дея хабар берган Ички ишлар вазирлиги Ахборот хизмати.
Жиноят кодексининг 139-моддаси 2-қисми «а, г» бандларида туҳмат қилиш, яъни ғаразгўйлик ёки паст ниятларда оғир ёки ўта оғир жиноят содир этганликда айблаш жиноий ҳаракатига тавсиф берилган. Ушбу жиноятни содир этган шахсга бир йилдан уч йилгача озодликни чеклаш ёхуд уч йилгача озодликдан маҳрум қилиш жазоси тайинлаши мумкин.
140-модда 3-қисми «а» бандида жабрланувчи ўз хизмат ёки фуқаролик бурчини бажариши муносабати билан боғлиқ ҳолда уни ҳақорат қилиш, яъни шахснинг қадр-қимматини беодоблик билан қасддан таҳқирлаш базавий ҳисоблаш миқдорининг тўрт юз бараваридан олти юз бараваригача миқдорда жарима ёки икки йилдан уч йилгача ахлоқ тузатиш ишлари ёхуд бир йилгача озодликни чеклаш, бир йилгача озодликдан маҳрум қилиш жазоси тайинланиши мумкин.
Изоҳ (0)