Ички ишлар вазирлигига Н.О. мурожаат қилиб, ўзини Олмазор тумани ҳокимлиги ходими деб таништирган «Бекзод» исмли шахс туман ҳудудидан автомашина ювиш шохобчаси учун ер олиб беришга туман ҳокимининг қарорини чиқариб бериш эвазига ҳокимлик масъул ходимларига бериш учун 5 минг доллар ва давлат божи учун 600 доллар беришини талаб қилганини билдирган. Бу ҳақда ИИВ матбуот хизмати хабар бермоқда.
Бу суммадан давлат божи учун 600 доллар олганлиги ва қолган 5 000 доллар ҳисобидан олдиндан 800 доллар беришни талаб қилаётганлигини маълум қилиб, унга нисбатан қонуний чора кўришни сўраган.
Мазкур аризага асосан ИИВ ЖҚББ Коррупция ва иқтисодий жиноятларга қарши курашиш бошқармаси ходимлари томонидан ўтказилган тезкор тадбир давомида гумонланувчи фуқаро У.Б. Шайхонтоҳур туманидаги «Беруний» метро бекати яқинида аризачидан 800 доллар олаётган вақтида ашёвий далиллар билан ушланди.
Дастлабки суриштирув жараёнида У.Б. 2018 йилда Жиноят кодексининг 168-моддаси, 28, 211-моддаларида кўрсатилган жиноятларни содир этгани учун судланганлиги аниқланган.
Ҳозирда У.Б. Жиноят-процессуал кодексининг 224-моддаси тартибида ушланиб, унга нисбатан Ички ишлар вазирлиги ҳузуридаги Тергов департаменти томонидан Жиноят кодексининг тегишли моддалари билан жиноят иши қўзғатилган.
Изоҳ (0)