Тошкент шаҳрининг уч жойида «Пиёдаларнинг ҳаракатланиши тақиқланган» 3.10 йўл белгиси ўрнатилди. Бу ҳақда Тошкент шаҳар ИИББ хабар берди.
Маълум қилишича, ушбу белгилар Мирзо Улуғбек тумани Султония кўчасидаги ерости йўлаги ҳамда Юнусобод деҳқон бозоридаги ерости йўлаги ёнида ва Шайхонтоҳур туманидаги Беруний ва Сақчисимон кўчалари кесишмасида (Чорсу бозори рўпарасида) ўрнатилди.
Йўл ҳаракати қоидаларини тасдиқлаш тўғрисидаги Вазирлар Маҳкамасининг 2015 йил 24 декабрдаги қарорига кўра, 3.10 «Пиёдаларнинг ҳаракатланиши тақиқланган» йўл белгиси пиёдаларнинг ҳаракатланиши уларнинг хавфсизлигига хавф туғдириши мумкин бўлган жойларда ўрнатилади.
Тошкент шаҳар ИИББнинг маълум қилишича, Юнусобод туманидаги Амир Темур ва Осиё кўчалари кесишмасида огоҳлантирувчи 1.32 «Тирбандлик» йўл белгиси ўрнатилди.
Таъкидланишича, ушбу белги вақтинчалик ёки чорраҳалар олдида ўрнатилган ўзгарувчи тасвирли белгиларда, тирбандлик юзага келган ҳудудни четлаб ўтиш имконияти бор жойда қўлланилади.
Изоҳ (0)