Жорий йил 19 январь куни соат 15:30 да Шайхонтоҳур туманида 22 ёшли Ислом А. масжидда 22 ёшли Санжар Н.га тегишли бўлган устки кийим чўнтагидан нархи 1 625 000 сўм бўлган мобиль телефонни ўғирлаб, воқеа жойидан яширинган. Бу ҳақда Тошкент ИИББ матбуот хизмати маълум қилди.
Ўғирликда гумонланувчи шахс қўлга олинди. Унга нисбатан Жиноят кодексининг 169-моддаси («Ўғрилик») бўйича жиноий иш қўзғатилди.
22 январь куни соат 15:00 да номаълум шахс Олмазор туманидаги масжидда 44 ёшли Муножиддин П.га тегишли бўлган устки кийимдан 800 АҚШ долларини ўғирлаб кетган.
Кўрилган чоралар давомида ташқи видеокузатув камералари ёзуви ўрганилгач, ушбу ўғирликда гумонланувчи тариқасида 39 ёшли Баҳодир Т. қўлга олинди.
Мазкур факт асосида Жиноят кодексининг 169-моддаси («Ўғрилик») бўйича жиноий иш қўзғатилди. Эҳтиёт чораси сифатида қамоққа олиш чораси қўлланилган.
Изоҳ (0)