Жаҳон соғлиқни сақлаш ташкилоти 11, 12 февраль кунлари янги турдаги 2019-nCoV коронавирусига қарши вакцина ишлаб чиқиш бўйича форум ўтказади, деб хабар берди «РБК».
ЖССТнинг Женевадаги штаб-квартирасида бўлиб ўтадиган форум юқумли касалликларга тайёргарлик кўриш бўйича глобал илмий жамоатчилик билан ҳамкорликда ташкил этилади.
Хитойда коронавирус қурбонлари сони 636 кишига етди, бутун дунё бўйлаб 24,5 минг киши касалликни юқтириб олган.
«ЖССТ илмий жамоатчиликни тадқиқотнинг устувор йўналишларини белгилаш ва тараққиётни тезлаштириш учун (коронавирус вакцинасини яратиш) бирлаштириб, муҳим мувофиқлаштирувчи рол ўйнайди», — дейди ЖССТ бош директори Тедрос Адҳаном Гебрейесус.
Аввалроқ ЖССТ биринчи марта Хитойда коронавирус инфекциясини янги юқтириб олганлар сони камайганини қайд этгани ҳақида хабар берилган эди. 7 февраль куни Ухандаги госпитал янги турдаги коронавирус хавфи ҳақида биринчилардан бўлиб огоҳлантирган шифокор Ли Вэньлян коронавирус оқибатида вафот этганини маълум қилди.
Изоҳ (0)