Хитойда коронавирусдан вафот этганлар сони 636 кишига етди. Мамлакатда умумий ҳисобда 31 161 та касалланиш ҳолати қайд этилди. Бу ҳақда Хитой соғлиқни сақлаш миллий комиссияси маълумотларига таяниб, «РБК» хабар бермоқда.
Вафот этганларнинг катта қисми — 618 киши Ухань шаҳрига жойлашган Хубэй провинциясига тўғри келмоқда. Касаллик илк бор айнан шу шаҳарда пайдо бўлганди.
Қайд этилишича, провинцияда сўнгги сутка давомида 2 447 та янги касалланиш ташхиси қўйилган. Шу билан бирга бу вақт давомида касалликдан тузалган 184 нафар мижозга касалхонадан жавоб берилган.
Айни пайда мамлакат ҳудудидан ташқарида янги қурбонлар йўқ. Жаҳон соғлиқни сақлаш ташкилоти биринчи марта Хитойда коронавирус инфекциясини янги юқтириб олганлар сони камаганини қайд этди. Шунингдек, хабарда айтилишича, ЖССТ коронавирус вакцинасини ишлаб чиқишга бағишланган глобал форум ташкил этилишини эълон қилган. Учрашув 11, 12 февраль кунлари ташкилотнинг Женевадаги бош қароргоҳида бўлиб ўтади.
Аввалроқ Хитойнинг етакчи эпидемиологи Ли Лансзюан бошчилигидаги тадқиқотчилар гуруҳи (2019-nCoV) коронавирусга қарши курашда ютуққа эришганини эълон қилганди. Шунингдек, Хитой коронавирусга қарши 3 йилдан бери мавжуд бўлган дорига патент олмоқчи эканлиги маълум қилинган.
Изоҳ (0)