ФҲДЁ соҳасида янги таркибдаги ҳуқуқбузарликлар ва унга жазо чоралари белгиланди

Маъмурий жавобгарлик тўғрисидаги кодекснинг 230-моддаси (Фуқаролик ҳолати актлари тўғрисидаги қонун ҳужжатларини бузиш)га янги таркибдаги ҳуқуқбузарликлар киритилди, деб ёзмоқда Norma.

Ушбу модда доирасида қуйидаги ҳолатларда базавий ҳисоблаш миқдорининг (223 минг сўм) 1 бараваридан 2 бараваригача миқдордаги жарималар солиниши назарда тутилган:

• васийлик ва ҳомийлик органларининг ёки тиббиёт муассасасининг мансабдор шахслари, топиб олинган (ташлаб кетилган) бола турган муассаса маъмуриятига — топиб олинган (ташлаб кетилган) боланинг туғилганлигини қайд этишни таъминлашга доир чоралар кўрмаганлик учун;
• тиббиёт муассасасининг мансабдор шахсларига — туғилишни ва ўлимни ўз вақтида қайд этишни таъминлаш чораларини кўрмаганлик, шунингдек, туғилганлик тўғрисидаги тиббий маълумотномани ёхуд ўлим ҳақидаги, шу жумладан, перинатал ўлим тўғрисидаги тиббий гувоҳномани нотўғри ва (ёки) ноаниқ тўлдирганлик учун.