АҚШ ҳукумати Ўзбекистон Капитал бозорини ривожлантириш агентлигига соҳанинг норматив-ҳуқуқий асосларини ислоҳ қилишда ёрдам бермоқчи. Ушбу мақсадда АҚШ томонидан агентликка биринчи босқичда 1 миллион АҚШ доллари миқдорида техник кўмак ажратилиши режалаштирилган. Бу ҳақда АҚШ давлат котиби Майкл Помпео жорий йилнинг 2, 3 февраль кунлари Ўзбекистонга ташрифи чоғида айтиб ўтди.
Ўзбекистон Капитал бозорини ривожлантириш агентлиги маълум қилишича, бугунги кунда ушбу соҳа 100 дан ортиқ норматив-ҳуқуқий ҳужжатлар билан тартибга солинган бўлиб, эндиликда уларнинг ўрнига тўғридан тўғри амал қилувчи «Капитал бозори тўғрисида»ги ва «Капитал бозори регулятори тўғрисида»ги қонун лойиҳалари ишлаб чиқиш режалаштирилган.
АҚШ томонидан тақдим этилаётган техник кўмак асосида агентлик томонидан ушбу қонун лойиҳаларини тайёрлашга юқори малакали мутахассисларни жалб қилиш ҳам назарда тутилмоқда.
Шунингдек, Ўзбекистон Капитал бозори агентлиги ва АҚШнинг Қимматли қоғозлар ва биржалар бўйича комиссияси ўртасида агентлик ходимларининг малакасини ошириш тўғрисида келишувга эришилди.
Мавзуга доир:
Изоҳ (0)