UNWTO (Бутунжаҳон сайёҳлик ташкилоти)нинг сўнгги маълумотларига кўра, Ўзбекистон туризм соҳаси энг жадал суръатларда ривожланаётган Топ-20 мамлакат рўйхатидан ўрин олган. Жумладан, мамлакатимиз туризм соҳаси энг тезкор ривожланаётган давлатлар рўйхатида тўртинчи ўринда қайд этилган, деб хабар бермоқда Туризмни ривожлантириш давлат қўмитаси.
Independent нашрида шу ҳақида мақола чоп этилди. Ушбу рўйхатда, шунингдек, Озарбайжон ҳамда Қозоғистон мамлакатлари ҳам келтирилган бўлиб, улар мос равишда 17 ва 20-ўринларни эгаллаган.
Туризм соҳаси энг тезкор ривожланаётган давлатлар рейтинги:1. Мьянма (40,2 фоиз)2. Пуэрто-Рико (31,2 фоиз)3. Эрон (27,9 фоиз)4. Ўзбекистон (27,3 фоиз)5. Черногория (21,4 фоиз)6. Миср (21,1 фоиз)7. Вьетнам (16,2 фоиз)8. Филиппин (15,1 фоиз)9. Мальдив ороллари (14,9 фоиз)10. Багам ороллари (14,6 фоиз)11. Қатар (14,5 фоиз)12. Арманистон (14,4 фоиз)12. Жанубий Корея (14,4 фоиз)13. Туркия (14,0 фоиз)14. Босния ва Герцеговина (13,7 фоиз)15. Тунис (13,6 фоиз)16. Лаос (11,5 фоиз)17. Озарбайжон (11,4 фоиз)18. Исроил (10,5 фоиз)19. Литва (10,1 фоиз)20. Қозоғистон (10,0 фоиз)
UNWTO статистика маълумотларига кўра, 2019 йилда дунё бўйлаб хорижий сафарлар 1,5 миллиардга етган ҳамда бу кўрсаткич 2018 йилга нисбатан тўрт фоиз юқори натижани қайд этган. Франция 90 миллиондан зиёд сайёҳ ташриф буюрган мамлакат сифатида энг юқори натижани кўрсатган, дейилади қўмита ахборот хизматининг хабарида.
Аввал Туризмни ривожлантириш давлат қўмитаси Ўзбекистоннинг Harper’s Bazaar’нинг энг саёҳатбоп Топ-20 рўйхатида пешқадам экани, шунингдек, The Telegraph’нинг ер юзидаги энг саргузаштбоп жойлар рейтингида 1-ўринни эгаллагани ҳақида хабар берган.
Изоҳ (0)