Сирдарёда бировнинг уйидан 25 млн сўмлик тақинчоқлар сақланаётган сейфни ўғирлаган 2 эркак ушланди

Сирдарёда 2019 йилнинг ноябрь ойида содир этилган жиноят фош этилди, деб хабар берди ИИВ ҳузуридаги Тергов департаменти.

2019 йил 11 ноябрь куни номаълум шахс Янгиер шаҳрида яшовчи, фуқаро 34 ёшли З.Н.нинг уйига ғайриқонуний равишда кириб, уйнинг ётоқхонасидан умумий қиймати 25 000 000 сўмлик бир нечта тилла-тақинчоқлари сақланаётган темир сейфни ўғирлаб, ҳодиса жойидан яширинган.

Мазкур ҳолат юзасидан Янгиер шаҳар ИИБ ҳузуридаги Тергов бўлими томонидан номаълум шахсга нисбатан Ўзбекистон Республикаси Жиноят кодексининг 169-моддаси (ўғрилик) 2-қисми «г» банди билан жиноят иши қўзғатилган.

Дастлабки тергов жараёнида мазкур жиноятни 29 ёшли Ш.Я. ва 28 ёшли Ш.С. содир этганлиги аниқланиб, 2020 йилнинг 27 январь куни Ш.Я.дан бир дона темир сейф ашёвий далил тариқасида расмийлаштириб олинган ҳамда Ш.Я. ва Ш.С. жиноят ишида гумон қилинувчи тариқасида иштирок этишга жалб қилиниб, процессуал тартибида ушланган.

Ҳозирда дастлабки тергов ҳаракатлари давом этмоқда.