Ўзбекистоннинг АҚШдаги элчиси Жавлон Ваҳобов дунёдаги энг йирик қурилиш компанияларидан бири Bechtel’нинг Виржиния штатида жойлашган инновацион марказига ташриф буюриб, унинг ҳудудий ҳамкорлик бўйича президенти Стюарт Жонес билан учрашди.
ТИВ матбуот хизматининг хабар беришича, учрашувда Жонес Ўзбекистонда бозор иқтисодиёти механизмларига ўтишга қаратилган ислоҳотлар, устувор соҳаларни модернизациялаш бўйича олиб борилаётган ишларни юқори баҳолади. Унинг фикрича, олиб борилаётган чоралар республика тармоқларини саноат, технологик ва инновацион ривожлантириш учун муҳимдир.
Компания президенти Ўзбекистонда инвестицион лойиҳаларни амалга оширишга, жумладан Тошкент—Самарқанд ва Тошкент—Андижон пуллик автомобиль йўллари қурилиши, давлат-хусусий шерикчилик тамойиллари асосида фойдали қазилмалар конларини ўзлаштиришга қизиқиш билдирган.
Изоҳ (0)