29 январь, чоршанба куни Қамчиқ Махсус қидирув, ёнғин–қутқарув бошқармаси навбатчилик қисмига довондан ўтган автомобиль йўлининг 233,7-километрида Фарғона—Тошкент йўналишида ҳаракатланган «САМС» русумли юк машинаси йўл қоидаларига амал қилмаган ва йўл ўртасидаги металл тўсиққа қисилиб қолгани ҳақида хабар келиб тушган. Бундан ташқари, яна бир юк машинасининг бошқарувни йўқотиб, автомобиль йўлининг қарама-қарши йўналишига чиқиб кетганлиги тўғрисида мурожаат қабул қилинган. Кейинчалик ушбу транспортнинг Қирғизистон Республикасига қарашли DAF русумли юк машинаси бўлгани маълум бўлди. Икки ҳолатда ҳам ҳодиса оқибатида жабрланганлар аниқланмаган, деб ёзмоқда ФВВ.
«Мазкур хабар юзасидан, йўл-транспорт ҳодисаси оқибатини бартараф этиш, хавфсиз ҳаракатни таъминлаш мақсадида Қамчиқ довонидаги Фавқулодда вазиятларда уларнинг олдини олиш ва ҳаракат қилиш давлат қуйи тизимининг фуқаро муҳофазаси хизматларидан 20 нафардан ортиқ ходим, Қамчиқ Махсус қидирув, ёнғин-қутқарув бошқармасининг 10 дан ортиқ қутқарувчиси ва 5 та махсус техника воқеа жойига етиб борди. Махсус асбоб-анжомлар ёрдамида металл тўсиқлар кесиб олиниб, иккала юк машинаси ҳам хавфсиз ҳудудга эвакуация қилиниб, йўл ҳаракатлари қайта тикланган», — дейилган хабарда.
Изоҳ (0)