Хитойдаги коронавирус қурбонлари сони 80 кишига етди

Хитойнинг Хубей вилоятидан тарқалган янги коронавирус қурбонлари сони 80 кишига етди. Бу ҳақда Хитой Соғлиқни сақлаш вазирлигига асосланиб, South China Morning Post хабар бермоқда. Вирусни юқтирганлар сони эса 2400 кишидан ошиб кетган.

Нашр касалланиш ҳолатлари бўйича ҳисоб-китобларни эълон қилган. Унга кўра,

• Хитойда — 2454 та ҳолат;
• Гонконгда — 8 та ҳолат;
• Макаода — 5 та ҳолат;
• Тайванда — 3 та ҳолат;
• Осиёнинг бошқа мамлакатларида — 24 та ҳолат;
• Европада — 3 та ҳолат;
• АҚШда — 5 та ҳолат;
• Австралияда — 4 та ҳолат.

Ўзбекистонда ҳозирча коронавирус билан касалланиш ҳолатлари расман қайд этилгани йўқ. Мамлакат аэропортларида касалликка қарши хавфсизлик чоралари кўрилган, хусусан, куни кеча Хитойдан қайтариб олиб келинган ўзбекистонлик талабалар аэропортнинг ўзидаёқ жиддий текширувдан ўтказилгани ҳақида хабар берилган эди.