«Дарё» ушбу ҳафтанинг энг қизиқ суратлари жамланмасини тақдим этади.
Ухань, Хитой
Тиббиёт ходимлари пневмония билан касалланган беморни шифохонага олиб кириб кетмоқда. Ҳозиргача коронавирус оқибатида Хитойда 56 киши ҳалок бўлди.
Тошкент
Президент Шавкат Мирзиёев Олий Мажлисга Мурожаатнома йўлламоқда.
Мелленгажери, Австралия
Қизалоқ қум бўрони томон югуриб кетмоқда.
Суматра, Индонезия
Буқа ва сигирлар билан уюштириладиган анъанавий пойга.
Муншиганж, Бангладеш
Гулзорда қизини кўтариб турган эркак.
Барселона, Испания
Испанияга ёпирилган «Глория» тўфони. Ҳозиргача тўфон оқибатида 10 дан ортиқ киши ҳалок бўлди.
Текун-Уман, Гватемала
Мексика томон ҳаракатланаётган мигрантлар Сучиате дарёсини кесиб ўтмоқда.
Антарктика
50 ёшли Льюис Пью эриётган муз бўлаклари орасида 10 дақиқа 17 сония давомида сузди.
Тошкент
Рустам Иноятов ва Зилемхан Ҳайдаров Сенатнинг биринчи ялпи мажлиси бошланиши олдидан суҳбатлашмоқда.
Винбург, ЖАР
Узоқ йиллар Гватемаладаги циркда оғир шароитларда яшаган йўлбарс Винбург яқинидаги ёввойи қўриқхонага қўйиб юборилмоқда.
Ухань, Хитой
Хитойда коронавирусдан касалланганлар учун 1000 кишилик шифохона қурилмоқда. Уни 10 кун ичида битириш режалаштирилган.
Китуи, Кения
Фермернинг қизи далага ёпирилган чигирткаларни ҳайдашга уринмоқда. Ўз йўлида учраган ўсимликларни еб битираётган чигирткалар туфайли Африка шарқида очарчилик юзага келиши мумкин.
Париж, Франция
Париждаги мода ҳафталигида Balmain коллекциялари намойиши.
Лорел, Филиппин
Филиппиндаги Таал вулқони отилиши оқибатида қулаб тушган том остидаги кучук.
Мумбай, Ҳиндистон
Мумбайдаги кўп қаватли уйнинг ташқи томони.
Канчанабури, Таиланд
Сафари паркидаги туристлар машинаси ичини қизиқиш билан томоша қилаётган жирафа.
Мельбурн, Австралия
Америкалик теннисчи Серена Уильямс Австралия очиқ чемпионатининг иккинчи босқичидаги словениялик Тамара Зиданшекка қарши баҳсда тўпни ўйинга киритмоқда.
Элазиг, Туркия
Қутқарувчилар зилзила вайроналари остидан жабрланган аёлни олиб чиқмоқда. Ҳодиса оқибатида ҳозиргача 20 киши ҳалок бўлди.
Медельин, Колумбия
Ҳайвонот боғидаги маймунча жазирамадан сақланмоқда.
Пекин, Хитой
Одамлар музлаб қолган Кунмин кўли устида чана учмоқда.
Кенгуру ороли, Австралия
Ёниб кетган бутазорлар орасидаги валлаби (кенгурулар оиласига мансуб ҳайвон).
Изоҳ (0)