Ўзбекистонлик йигит Татаристонда «Йил талабаси» бўлди. Энди у дунёнинг исталган олийгоҳида ўқишни бепул давом эттириши мумкин

Ўзбекистонлик Камолиддин Бобохонов «Татаристон талабаси—2019» мукофоти совриндори бўлиб, 50 000 рубл пул ва дунёнинг исталган олий таълим муассасасида ўқишни бепул давом эттириш имкониятини қўлга киритди. Бу ҳақда «Татар-информ» хабар бермоқда.

Камолиддин Бобохонов тошкентлик бўлиб, Татаристонга 5 йил аввал келган ва Қозон федерал университетининг Ижтимоий-фалсафий фанлар ва оммавий коммуникациялар институтига ўқишга кирган.

Тақдирлаш маросими 25 январь куни Қозондаги «Пирамида» концерт залида ўтказилган бўлиб, мукофотни Татаристон президенти Рустам Миннихановнинг шахсан ўзи топширган.

Лойиҳа Тожикистон Талабалар лигаси томонидан 2005 йилдан бери ҳар йили амалга оширилиб келинмоқда ва унда республиканинг 300 га яқин энг яхши талабалари иштирок этади. Эътиборли томони, «Йилнинг энг яхши талабаси» мукофотини қўлга киритган талабалар ўқишни давом эттириш учун, асосан, АҚШ ва Европа мамлакатлари университетларини танлайди.