Мўғулистон 2020 йил 2 мартга қадар коронавирус тарқалишининг олдини олиш мақсадида мактаблар, ўрта ва олий ўқув юртлари, шунингдек, қатор бошқа таълим муассасаларини ёпади. Мамлакат ҳукуматининг 26 январь, якшанба куни ўтказилган навбатдан ташқари йиғилишида шундай қарор қабул қилинди, дея хабар беради «ТАСС».
Расмийлар 27 январь, душанбадан бошлаб Хитой билан чегарадаги ўтказиш пунктларида автотранспорт ва пиёдалар ҳаракатини чеклаш юзасидан ҳам кўрсатма берди.
Шунингдек, гарчи бугунги кунгача Мўғулистонда коронавирусга чалиниш ҳолатлари умуман қайд этилмаган бўлса ҳам, касалхоналарни вирусга чалинганларни қабул қилишга тайёрлаш ҳақида қарор қабул қилинди.
Касаллик ўчоғига айланган Хитойнинг Ухань шаҳрида мўғулистонлик 31 нафар талаба истиқомат қилаётгани, уларнинг барчаси 27 январга қадар ватанига қайтарилиши айтилмоқда.
Изоҳ (0)