Ўзбекистон ёшлари умумжаҳон ассоциациясининг Хитой Халқ Республикасидаги вакили Хуснулла Асадуллаев мамлакатда таълим олаётган ва меҳнат қилаётган ёшлар ва уларнинг ота-оналарига мурожаат йўллади.
«Бугунги кунда жаҳон оммавий ахборот воситалари томонидан Хитой Халқ Республикасининг Ухань шаҳрида коронавурис тарқалаётгани ҳақидаги хабарлар кенг тарқатилмоқда. Ўз ўрнида Ташқи ишлар вазирлиги ахборот хизмати Хитойдаги вазият элчихонамиз ва Шанхай шаҳридаги Бош консулхонамиз томонидан назоратга олингани ҳамда мазкур йўналишда узлуксиз ишлар олиб борилаётганини маълум қилди.
Ўзбекистон ёшлари умумжаҳон ассоциациясининг Хитой Халқ Республикасидаги вакили Хуснулла Асадуллаев эпидемия маркази бўлган Ухань шаҳрида таълим олаётган ёшларимиз билан ҳозирги вақтга қадар доимий алоқада бўлиб турибди ва мавжуд маълумотга кўра, вазият маҳаллий Ҳукумат вакиллари томонидан тўлиқ назоратга олинган, қолаверса Хитой Халқ Республикасидаги Ўзбекистон элчихонаси ва Бош консулхонаси ходимлари томонидан ушбу масалани ҳал қилиш бўйича амалий ишлар олиб борилмоқда.
Шу боис ёшларимиздан нотўғри маълумотлар билан вазиятни кескинлаштирмасликни илтимос қилган ҳолда ҳолат юзасидан саволлар бўлса, Ўзбекистон ёшлари умумжаҳон ассоциацияси ва ассоциациянинг Хитой Халқ Республикасидаги вакили билан боғланиши мумкинлигини маълум қиламиз. Ўзбекистон ёшлари умумжаҳон ассоциацияси ишонч телефони: +99899 345 55 59», — дейилади мурожаатда.
Мавзуга доир:
- ТИВ раҳбари Абдулазиз Комилов: Ухандаги ватандошлар Ўзбекистонга олиб келинади
- Уханда коронавирус билан касалланганлар учун иккинчи госпитал қуриладиган бўлди
- «Вируснинг ўзи Хитойда, лекин барча ваҳимаси Ўзбекистонда бўляпти»
- Хитойда коронавирусдан вафот этганлар сони 40 нафардан ошди
- Хитойда коронавирусдан зарарланганларни даволаётган шифокорнинг ўзи касалланиб, вафот этди
Изоҳ (0)