Навоийлик аёллар банкдан кредит олади ва кредит маблағларини қайтариш вақти келганда пулни қайтармайди. Гаровга қўйилган Malibu автомашинасини ҳам яширади. Бу ҳақда «Дарё»га МИБ вилоят бошқармасига таяниб журналист Феруза Қодирова маълум қилди.
Маълум қилинишича, «Қишлоққурилишбанк» Навоий минтақавий филиалидан кредит олган аёллар — С.С. ва Н.Б. ўз вақтида тўланиши лозим бўлган 235 миллион 627 минг сўм қарздорликни тўламайди, қарз эвазига гаровга қўйилган Malibu автомобилини яширишга уринади.
— МИБ ходимлари Malibu русумли автотранспорт воситасини хатлаш ва савдога чиқариш мақсадида қарздорларнинг белгиланган манзилига боради. Бироқ қарздорлар томонидан автотранспорт воситаси яширилади. Давлат ижрочиси қарори билан гаровга олинган автотранспорт воситасига нисбатан қидирув эълон қилиниб, Навоий вилоят ИИБ ЙҲХБ ҳамда туман бўлимига қидирув ишларини олиб бориш бўйича билдирги берилади, - дейилади МИБ вилоят бошқармаси берган маълумотда.
Инспектор Р.Худойбердиев томонидан олиб борилган қидирув ҳаракатлари давомида қарздорларга тегишли Malibu автомашинаси Қизилтепа туманидаги «Работ» маҳалласида яшовчи фуқаро уйидан топилган.
МИБ Навоий вилоят бошқармаси матбуот хизматининг қўшимча қилишича, топилган автомашина жарима майдончасига келтирилган ва ҳозирги кунда E-Ijro Auksion ягона электрон савдосига чиқариш ишлари олиб борилмоқда.
Изоҳ (0)