«Атомшунос олимлар бюллетени» журнали глобал ҳалокатни англатувчи Қиёмат соати милларини 20 сония олдинга суриб қўйди. Бу ҳақда Meduza хабар бермоқда.
Энди ушбу соат 23:58:20 ни кўрсатмоқда. Мазкур вақт глобал ҳалокат тимсоли бўлган ярим тунга ҳеч қачон бунчалик яқин бўлмаганди.
Соат миллари олдинга сурилиши омиллари сифатида АҚШ ва Эрон можароси туфайли ядровий таҳдиднинг ўсиши, ўрта ва қисқа масофали ракеталар ҳақидаги шартноманинг бекор қилиниши ҳамда Шимолий Кореяни қуролсизлантириш масаласида силжиш йўқлиги келтирилган.
Шунингдек, журнал муаллифлари глобал ҳалокат яқинлашув сабаблари сифатида иқлим ўзгаришига қарши кураш етарлича бўлмаётгани ва интернетда фейк янгиликлар ҳамда дезинформация бўйича режалаштирилган компаниялар кўпайганини ҳам қайд этиб ўтган.
Маълумот учун, Қиёмат соати лойиҳаси 1947 йилдан бери мавжуд. Ундаги вақт йилда бир маротаба ўзгартирилади. 2018 йил бошидан бери бу вақт 23:58:00 ни кўрсатаётган эди.
Изоҳ (0)