Испанияга ёпирилган тўфон сабаб 11 киши ҳалок бўлди (видео)

Испанияга ёпирилган «Глория» тўфони оқибатида ҳалок бўлганлар сони 11 кишига етди, шунингдек, яна тўрт киши бедарак йўқолганлар рўйхатида, деб хабар беради «Коммерсантъ».

Мамлакатнинг шарқий ва жанубий қирғоқларига кучли тўфон ёпирилган, у ерда бир неча кундан буён сув тошқинлари ва ёғингарчилик давом этаётганди. Шамол тезлиги соатига 100 километрга етган. Қирғоқбўйи шаҳарларига баландлиги уч қаватли бинога тенг тўлқинлар ёпирилган.

https://twitter.com/ABC/status/1220081238406508544

Бир нечта шаҳар сув остида қолган, кўчалардаги сувнинг баландлиги 1 метрдан ошган. Испания ҳукумати раиси Педро Санчес зарар кўрган ҳудудларга бориб, ҳукумат ёрдам кўрсатишини маълум қилган.

«Биз зудлик билан йиғилиш ўтказиб, ёрдам кўрсатишнинг барча механизмларини ишлаб чиқамиз», — дейди Санчес.

https://twitter.com/SteveKuzj/status/1219993481747169281

Ҳукумат раиси ёрдамга муҳтожлар учун зарур ресурсларни ажратишда «қизғанмаслигини» билдирган.