Австралияда кучли ўрмон ёнғинлари кузатилганда бутун дунё тезроқ ёмғир ёғишини тилаганди. Якунда шундай бўлди: қурғоқчилик якунига етди, аммо энди қитъада бошқа бир муаммо пайдо бўлган.
Книвслендда момақалдироқ гумбурлаб, кучли сел бошланган. Сув сатҳининг баландлиги 300 мм га етган.
Австралияда ёмғир челаклаб қуймоқда. Қитъада 2019 йилнинг сентябридан буён ёмғир ёғмаган, шу сабабли кутилмаган тошқинлар мамлакатнинг айрим ҳудудларини сув остида қолдирган. Бир кечанинг ўзида Квинслендда бир ойда ёғадиган ёмғир миқдори кузатилган.
Кучли ёмғирлар бошланиши олдидан Австралия осмонининг кўриниши шундай эди. Метеорология бюроси бўрон хавфидан огоҳлантирган ва ушбу офатнинг ҳаёт учун хавфли эканини билдирган. Полиция Голд-Кост шаҳридан ўтувчи йўлнинг сув остида қолгани ҳақида 50 та хабарнома олган.
Йўллар тахминан шундай кўринишга келган.
Сув тошқини сабаб кўп йўллар беркилиб қолгани одамларни оғир аҳволда қолдирган.
Авария гуруҳлари сув тошган ҳудуддан ўтмоқчи бўлган икки нафар одамни қутқариб қолди.
Ёнғин хавфсизлиги ва қутқарув хизматлари фуқароларни ҳаракатланаётган сувнинг хавфли эканини маълум қилган.
Улар Twitter’да «Йўл сув остида қолган бўлса, у ҳақида унутинг», дея тавсия берган. Шунингдек, хизматлар жамоатчиликни қулаб тушиши мумкин бўлган дарахтлардан ва электрузатгич тармоқларидан узоқроқда бўлишга чақирган.
Сув миқдори ҳақиқатан ҳам жуда кўп.
Айни кунларда Австралияда 1500 нафар ўт ўчирувчи ишламоқда. Улар ёнғинларни бошқа ҳудудларга ўтиб кетмаслигини таъминлаш учун курашмоқда. Кучли ёмғирлар бошланганидан кейин ёнғинлар сони 85 дан 69 гача камайган.
8 hours of rain on the #GoldCoast and we people in boats on the streets of Southport. 🚣♂️ ☔️ pic.twitter.com/2GWL4mdb2K
— Ricky Kroesen (@rickykroesen) January 17, 2020
Изоҳ (0)