Бугун, 24 январь куни Тожикистон ҳудудида уч марта зилзила қайд этилди.
Тожикистондаги биринчи ерости силкиниши Тошкент вақти билан 10:57 да юз берган.
Европа—Ўртаер денгизи сейсмостанцияси маълумотларига кўра, эпимарказда унинг кучи 4,1 магнитудага тенг бўлиб, ўчоғи 176 км чуқурликда жойлашган. Ўзбекистон ФВВ Сейсмопрогностик мониторинг Республика маркази хабарига кўра, Тошкентдан 474 узоқликда юз берган зилзила Ўзбекистон ҳудудида сезилмаган.
Тожикистондаги иккинчи зилзила Тошкент вақти билан 12:10 да содир бўлди.
Мавзуга доир: Тошкентда ерости силкинишлари сезилди. Бу вақтда Президент прописка тизими ҳақида гапираётган эди
Ер силкиниши эпимарказида унинг кучи 5,7 магнитудага тенг бўлган, зилзила ўчоғи 10 км чуқурликда жойлашган. Ўзбекистон ФВВ Сейсмопрогностик мониторинг Республика маркази ахборотига кўра, зилзила Тошкентдан 317 км жануби-шарқий йўналишда содир бўлган. Тошкент шаҳрида зилзила кучи 2—3 баллга тенг бўлган бўлса, Фарғона шаҳрида 4 баллни ташкил этган. Наманган, Андижон, Гулистон шаҳарларида ерости силкинишлари кучи 3 баллга, Самарқанд, Навоий, Термиз ва Қаршида 2 баллга тенг бўлган.
Учинчи зилзила Тошкент вақти билан 12:14 да юз берган. Эпимарказида унинг кучи 5 магнитудага тенг бўлган, ўчоғи 10 км чуқурликда жойлашган.
Тожикистонда юз берган учинчи зилзиланинг Ўзбекистонда сезилган ёки сезилмагани ҳақида маълумотлар йўқ.
Изоҳ (0)