2020 йил давомида пойтахтнинг Бектемир, Сергели, Юнусобод ва Яккасарой туманларида ободонлаштириш ишлар ҳамда янги истиқболли лойиҳалар амалга оширилади. Бу ҳақда Тошкент шаҳар ҳокимлигига ўтган матбоут анжуманида маълум қилинди.
Тадбирда Тошкент шаҳрида иссиқлик тизимини тартибга солиш, мавжуд муаммоларни баратараф этиш ҳақида ахборот берилиб, матбуот анжуманида иштирок этаётган жамоатчилик вакилларига қатор янги лойиҳалар хусусида тақдимотлар ўтказилди. Жумладан Фарғона йўли, Аҳмад Дониш ва Янги Сергели кўчаларини капитал таъмирлаш, Яккасарой туманида «Day and Night» инвестиция лойиҳаси, Сергели кичик саноат зонасида амалга ошириладиган индустриал парк лойиҳаси, Чирчиқ дарёсининг Тошкент шаҳри ҳудудидан оқиб ўтувчи қисмини, яъни 12 километр узунликдаги соҳилларини ободонлаштириш бўйича лойиҳалар шулар жумласидан.
Лойиҳаларнинг қиймати 100 миллион АҚШ долларини ташкил қилади, ободонлаштириш натижасида бўшайдиган ер майдонларининг 245 гектарида Технопарк ва 320 гектар қисмига замонавий бозорлар, хусусан 120 гектарида харидорларга қулайлик яратиш учун автотураргоҳлар қурилади. Бу 160 минг янги иш ўрни яратилишига туртки бўлиши кутилмоқда.
Изоҳ (0)