Тошкент вилоятида аёлларни фоҳишалик билан шуғулланиш учун Қозоғистонга жўнатаётган аёл қўлга олинди. Бу ҳақда Тошкент шаҳар ИИББ матбуот хизмати хабар берди.
Маълум бўлишича, 12 январь куни пойтахтнинг Яшнобод тумани ИИО ФМБга 35 ёшли Светлана К. ва 28 ёшли Манзура А.лар мурожаат қилиб, алдов йўли билан ишончига кириб уларни Қозоғистоннинг Олма-ота шаҳрига фоҳишалик қилиш учун жўнатишни таклиф қилган 32 ёшли Ирода Д.га нисбатан чора кўришни сўраган.
15 январь куни тахминан соат 15:00 да Тошкент шаҳар ИИББ ходимлари томонидан Тошкент вилояти ИИББдаги ҳамкасблари билан бирга олиб борилган профилактик тадбир давомида Ирода Д. Тошкент вилояти Тошкент туманидаги «Ғишткўприк» чегара постида аёлларни қўшни республикага жўнатаётган вақтида қўлга олинган.
Воқеа юзасидан Жиноят кодексининг 135-моддаси («Одам савдоси») бўйича жиноий иш қўзғатилган.
Изоҳ (0)