Россия ва Ўзбекистон ўзбекистонлик фуқароларнинг Россияда рўйхатдан ўтмасдан бўлиш муддатини 15 кунгача оширишни кўриб чиқмоқда. Бу ҳақда Россиянинг Regnum ахборот агентлиги Ўзбекистон ҳукуматидаги манбага таяниб, хабар берди.
«Икки мамлакатнинг тегишли вазирликлари ва идораларига Ўзбекистон фуқароларининг Россияда бўлиши муддатини узайтиришни кўзда тутувчи икки томонлама битимни ишлаб чиқиш вазифаси топширилди», — дея ўз суҳбатдошининг сўзларини келтирган агентлик.
Айни пайтда ўзбекистонликларга Россия ҳудудида 7 кунгача бўлган муддатда рўйхатдан ўтмасдан қолишга рухсат берилган.
2019 йилнинг декабрь ойида Бандлик ва меҳнат муносабатлари вазир Ўзбекистон Евросиё иқтисодий иттифоқига қўшилгандан кейин патент тўлови бекор бўлишини маълум қилганди.
Изоҳ (0)