Шавкат Мирзиёевнинг Парламентга мурожаати 24 январь куни жонли эфирда намойиш этилади

Ўзбекистон Президентининг Олий Мажлисга мурожаатномаси 24 январь куни давлат ва нодавлат телеканаллари орқали жонли эфирда намойиш этилади, деб хабар бермоқда «Gazeta.uz». Баъзи каналларда у сурдо таржима, рус ва инглиз тилига ўгирилган ҳолда узатилади.

Президентнинг Олий Мажлисга мурожаатномасида мамлакат тараққиётининг энг муҳим устувор вазифалари билдирилади.

Мурожаатнома «Ўзбекистон 24», «Ўзбекистон», «Ёшлар» ва «Маҳалла» телерадиоканаллари, «Маданият ва маърифат», «Ўзбекистон тарихи», «Дунё бўйлаб», «Оилавий», «Тошкент» телеканаллари ҳамда 12 та ҳудудий телерадиокомпаниялар, шунингдек, MY5, Sevimli, UzReport, MilliyTV ва ZorTV каналлари орқали узатилади. Намойиш вақти яқин соатларда маълум бўлади.

Бундан ташқари, мурожаатномани давлат раҳбарининг ижтимоий тармоқдаги расмий саҳифалари орқали ҳамда МТРК ва «Ўзбекистон 24» сайтларида ҳам томоша қилиш мумкин.

Мурожаатнома «Ўзбекистон» телеканалида сурдо таржима билан, «Тошкент» ва «Оилавий» телеканалларида русча таржимаси, «Дунё бўйлаб» ва «Ёшлар» телеканалида эса инглиз тилига ўгирилган ҳолда эфирга узатилади.