Rossiya va O‘zbekiston o‘zbekistonlik fuqarolarning Rossiyada ro‘yxatdan o‘tmasdan bo‘lish muddatini 15 kungacha oshirishni ko‘rib chiqmoqda. Bu haqda Rossiyaning Regnum axborot agentligi O‘zbekiston hukumatidagi manbaga tayanib, xabar berdi.
“Ikki mamlakatning tegishli vazirliklari va idoralariga O‘zbekiston fuqarolarining Rossiyada bo‘lishi muddatini uzaytirishni ko‘zda tutuvchi ikki tomonlama bitimni ishlab chiqish vazifasi topshirildi”, — deya o‘z suhbatdoshining so‘zlarini keltirgan agentlik.
Ayni paytda o‘zbekistonliklarga Rossiya hududida 7 kungacha bo‘lgan muddatda ro‘yxatdan o‘tmasdan qolishga ruxsat berilgan.
2019-yilning dekabr oyida Bandlik va mehnat munosabatlari vazir O‘zbekiston Yevrosiyo iqtisodiy ittifoqiga qo‘shilgandan keyin patent to‘lovi bekor bo‘lishini ma’lum qilgandi.
Izoh (0)