Таниқли дизайнер Наримон Григоряннинг жасади ўлдириб кетилганидан уч кун ўтиб топилгани ва жасад топилишидан икки кун аввал эса марҳумнинг ижтимоий тармоқдаги саҳифасига сурат жойлангани ҳақидаги гап-сўзлар ёлғон. Бу ҳақда 20 январь, душанба куни Тошкент шаҳар прокуратурасида ўтказилган брифингда маълум қилинди, дея хабар бермоқда «Дарё» мухбири Миролим Исажонов.
Бу каби хабарларни ким тарқатганини билмаймиз, аммо фожиа ҳақида воқеа бўлган куннинг эртасига, 14 январь куни хабар келиб тушган. Марҳумнинг Instagram’даги саҳифасига жасад топилишидан икки кун олдин сурат жойлангани ҳам ёлғон.Тадбирда ОАВ вакиллари дизайнер ўлими билан боғлиқ турли миш-мишларга ҳам ойдинлик киритилишини сўради. Хусусан, журналистлар томонидан «Наримон Григорян ўлимига қиз билан йигитнинг эмас, балки ўғил бола билан бошқа бир йигитнинг рашки сабаб бўлганми?», мазмунида савол берилди.Наримон Григорян ва айбланувчи А.А.нинг шахсий алоқалари ҳамда шахсига оид маълумотларга дастлабки тергов натижалари якуни бўйича аниқлик киритилиб, яна қўшимча хабар берилади.
Расулжон Ботир ўғли, Тошкент шаҳар прокуратураси Ўта оғир жиноятларни тергов қилиш бўлими бошлиғи ўринбосари
Бу саволга муносабат билдираркан, пойтахт прокуратурасининг Ўта оғир жиноятларни тергов қилиш бўлими бошлиғи Анвар Ўрмонов шундай деди: «Бу каби миш-мишларни инкор қиламан. Жиноят ишида бундай маълумот мавжуд эмас. Жиноят содир этилишидан мақсад — марҳумга тегишли бўлган мол-мулк ва пул маблағларига эгалик қилиш бўлган».
Ўз навбатида, Тошкент шаҳар прокурорининг катта ёрдамчиси Севара Саиджонова саволни «жуда ўринли ва мантиқли» деб атади. «Бу жиноятнинг очилганига бир неча кун бўлди. Бизнинг қўлимиздаги терговга тегишли материал бўйича сиз айтган рашк факти ҳали тасдиқланмаган. Айбланувчи кейинчалик қандай кўрсатмалар беради — буни билмаймиз. Тергов якуни бўйича ОАВга ахборот берилиши таъминланади», — деди у.
Изоҳ (0)