Инвестициялар ва ташқи савдо вазирлиги ҳузуридаги Экспортни рағбатлантириш агентлиги томонидан мева-сабзавот ва тўқимачилик маҳсулотлари ва буюмларини экспорт қилиш (пахтадан ташқари) учун зарур рухсатнома ва сертификатларни расмийлаштириш билан боғлиқ ваколатли органларнинг харажатларини қоплаб бериш тартиби тўғрисидаги Низомни тасдиқлаш тўғрисидаги Вазирлар Маҳкамасининг қарори жамоатчилик муҳокамаси учун эълон қилинди.
Қарор лойиҳасига кўра, мева-сабзавот ва тўқимачилик маҳсулотлари ва буюмларини экспорт қилиш (пахтадан ташқари) учун зарур рухсатнома ва сертификатларни расмийлаштириш билан боғлиқ ваколатли органларнинг харажатлари (синов ва зарарсизлантириш харажатларидан ташқари) Давлат бюджетидан агентликка ажратиладиган маблағлар ҳисобидан қоплаб берилади.
Қуйидаги ҳолларда ваколатли орган томонидан берилган сертификат ва рухсатномалар учун тўловларни экспорт қилувчи ташкилот (ариза берувчи) тўлайди:
ваколатли орган томонидан аввал берилган, харажатлари агентлик томонидан қоплаб берилган сертификатни қайта расмийлаштириш зарурати туғилганда;
- экспорт қилувчи ташкилот (ариза берувчи) томонидан зарур рухсатнома ва сертификат олингандан кейин бир ой муддат ичида белгиланган маҳсулотлар экспортга чиқарилмаганда;
- ваколатли орган томонидан ушбу низомда назарда тутилган маҳсулотлар билан бирга бошқа бир маҳсулотлар учун ҳам битта зарур рухсатнома ва сертификат берилганда.
- ваколатли орган томонидан экспорт қилиш учун зарур рухсатнома ва сертификатлар берилган экспорт қилувчи ташкилот Ўзбекистон Республикасида давлат рўйхатига олинган;
- мева-сабзавот ва тўқимачилик маҳсулотлари ва буюмларини экспорт қилувчининг экспорт (пахтадан ташқари) хажми 5 минг доллардан юқори бўлиши;
- ваколатли орган томонидан экспорт қилиш учун зарур рухсатнома ва сертификатлар берилган маҳсулотлар ўрнатилган тартибда экспортга божхона юк декларацияси асосида расмийлаштирилган (маҳсулотларнинг келиб чиқиш сертификатлари бундан мустасно);
- рухсатнома ва сертификатлар бериш учун ундириладиган тўловлар миқдори ваколатли органнинг мазкур ҳужжатни бериш учун қилган харажатлари доирасида Молия вазирлиги томонидан келишилган ҳолда белгиланган бўлиши зарур (маҳсулотларни сертификатлаштиришга аккредитация қилинган органлар томонидан берилган зарур рухсатнома ва сертификатлар бундан мустасно).
- ваколатли органлар томонидан экспорт қилиш учун зарур рухсатнома ва сертификатлар берилган маҳсулотлар экспорт қилинмаганда;
- экспорт қилиш учун зарур рухсатнома ва сертификатларни расмийлаштириш билан боғлиқ ваколатли органларнинг харажатлари учун белгиланган нарх Молия вазирлиги билан келишилмаган ҳолларда;
- ваколатли орган томонидан тақдим этилган ҳужжатларда, низомнинг 14-бандида белгиланган тартибда ўрганишлар натижасида ишончсиз ва нотўғри маълумотлар мавжудлиги ёки маълумотларни бузиб кўрсатилганлиги аниқланса.
Ваколатли орган рад этиш тўғрисида хулоса олгандан кейин кўрсатилган камчиликларни бартараф этган ҳолда харажатларни қоплаш бўйича маблағлар олиш учун Агентликка ариза билан 10 иш кунида қайта мурожаат қилишга ҳақли.
Ваколатли органларга харажатларни қоплаш бюджетдан ажратиладиган маблағлар ҳисобига амалга оширилади (агар ваколатли орган ҚҚС тўловчиси бўлса, ҚҚС ставкаси билан кўрсатилади ва қопланади).
Ваколатли органлар молиявий йилнинг III чораги якунига қадар кейинги молиявий йил учун Агентликка бюджет прогнози бўйича ҳисоб китобларни тақдим этади.
Молия вазирлиги агентликнинг ҳар йилги тасдиқланадиган смета харажатларида юқоридаги харажатларни назарда тутади ва Агентликка ушбу харажатларни ваколатли органларнинг аризаси асосида қоплаб бериш ҳуқуқи берилади.
Молиявий йил давомида ваколатли органларнинг тақдим этган аризаларига мувофиқ молиялаштириш зарурлигидан келиб чиққан ҳолда, тасдиқланган сметага ўзгартиришлар киритиш мумкин.
Ҳар бир молиявий йил бошида Молия вазирлиги ваколатли органлар томонидан молиявий йил учун бюджет прогнози ҳисоб китобларига мувофиқ юқоридаги харажатларни қоплаб бериш учун Агентликнинг тасдиқланган смета бўйича буюртманомаси олинган кундан бошлаб 3 (уч) банк иш куни мобайнида Агентликни молиялаштиради.
Бунда, молиявий йил якуни бўйича ушбу шахсий ғазна ҳисобварағида фойдаланилмай қолган бюджет маблағлари Давлат бюджетига қайтарилади.
Агентлик ҳар ҳафта якуни бўйича кейинги ҳафтанинг биринчи иш кунида ваколатли органлар томонидан тақдим этилган аризаларни кўриб чиқиш якунларига мувофиқ ваколатли органларга харажатларни қоплаш учун компенсация маблағларини 3 иш куни мобайнида ваколатли органларнинг шахсий ғазна ҳисобварағига ёки тижорат банкларидаги ҳисоб рақамларига ўтказиб беради.
Изоҳ (0)