«Тошшаҳартрансхизмат» АЖ йўловчи ташиш билан шуғулланувчи хусусий корхоналар билан ҳамкорликни йўлга қўйди. Бу ҳақда «Тошшаҳартрансхизмат» АЖ матбуот хизмати хабар берди.
Хабарга кўра, «Тошшаҳартрансхизмат»га тегишли 129 — «Авиасозлар шаҳарчаси»—«Юнусобод 17-мавзе» йўналиши «Алихан транс сервис» МЧЖ корхонасига бириктирилган.
Ушбу йўналишда корхонага тегишли Asia star русумли 11 та автобус аҳолига хизмат кўрсатади. Автобуслар «Евро—5» стандарти асосида ишлаб чиқарилган. Газ ёқилғиси билан ҳаракатланувчи транспорт воситаси 70 нафар йўловчига мўлжалланган ва қулайликлар эга. Жумладан, автобус кондиционер, ногиронлиги бўлган шахсларнинг чиқиб тушишига мўлжалланган йўлак — пандус, 5 та кузатув камераси, монитор, двигателда ёнғин чиқишига қарши ишловчи автоматик тизим билан жиҳозланган.
Корхона фаолияти шаҳар йўналишида тўла ўрганилиб, бошқа йўналишларга ҳам хусусий секторлар жалб қилиниши кўзда тутилган, дейилади хабарда.
Изоҳ (0)