Загребнинг «Динамо» клуби ярим ҳимоячиси Дани Олмо «Милан»га ўтадиган бўлди.
Спорцке Новости хабарига кўра, «россонерилар» Испания терма жамоасининг 21 ёшли аъзоси учун загребликларга 20 миллион евро тўлайди. «Динамо» бундан ташқари 5 миллион евро бонусга ҳам эга бўлиши мумкин. Шунингдек, «Милан» агарда футболчини сотадиган бўлса, «Динамо» яна қўшимча 5 миллион еврога эга бўлади.
Олмонинг ўзи «Милан» билан 5 йиллик шартномага имзо чекади. У клубда йилига 2,5 миллион евро маош олади.
Аввалроқ «Барселона» ҳам Олмога қизиқаётганлиги ҳақида хабар берилганди.
Футболчи жорий мавсум «Динамо» сафида 22 та ўйин ўтказиб, 8 та гол урди ва 7 та голли узатмани амалга оширди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)