Битта транзакциянинг ўзида қиймати 1,1 миллиард долларга тенг 125 минг биткоин бир «ҳамён»дан бошқасига ўтказилди, деб ёзади Мashable.
Ўтказмани амалга ошириш учун олинган комиссия пули 80 долларни ташкил этди. Биткоинларни ўтказиш вақтидаги валюта курси бўйича долларда ҳисобланса, ушбу операция энг катта бир марталик битим ҳисобланади.
Ўтказилган биткоинлар фойдаланишда бўлган жами криптовалютанинг қарийб 0,7 фоизини ташкил этади.
Бундан олдинги транзакция рекорди 2019 йилнинг октябрида амалга оширилганди: унда салкам бир миллиард доллар қийматга эга 94 минг биткоин ўтказилганди.
Криптовалюта сони бўйича амалга ошрилган энг йирик транзакция 2011 йилга тегишли: 1,5 миллион долларлик 550 минг биткоин бир «ҳамён»дан бошқасига ўтказилганди. Ўша вақтда бир биткоин нархи уч доллар атрофида бўлган.
Изоҳ (0)