Ўзбекистон олимпия терма жамоаси 15 январь, чоршанба куни Осиё чемпионати—2020 3-турида Жанубий Корея билан ўйнади.
Учрашувнинг 5-дақиқасидаёқ кореяликлар олдинга ўтиб олди, Чон Син Воннинг узоқдан йўлланган зарбаси йўл-йўлакай О Се Ҳунга тегиб, Абдувоҳид Неъматов дарвозасидан жой олди. Бунга ўзбекистонликлар 21-дақиқага келиб жавоб қайтарди. Азиз Ғаниевнинг узатмасидан кейин Бобур Абдуҳолиқов боши билан зарба берган ҳолда мувозанатни тиклади.
71-дақиқада О Се Ҳуннинг жарима майдони ташқарисидан йўллаган зарбасини Неъматов қайтара олмади. Қолган вақтда ҳисоб ўзгармади.
Параллел кечган ўйинда Эрон олимпиячилари Хитой билан баҳс олиб борди. Учрашувнинг 87-дақиқасида Омид Нурафкон пенальтини голга айлантирган ҳолда жамоасини олдинга олиб чиқди.
Шу тариқа Ўзбекистон ва Эрон гуруҳни 4 очко билан якунлади, Друлович шогирдлари тўплар нисбати бўйича иккинчи ўринни қўлга киритди ва чорак финалга йўл олди.
U23 Осиё чемпионати—2020
3-тур баҳслари
15 январь, чоршанба
C гуруҳи
Ўзбекистон — Жанубий Корея 1:2
Голлар: 0:1 — 5 О Се Ҳун, 1:1 — 21 Абдуҳолиқов, 1:2 — 71 О Се ҲунХитой — Эрон 0:1
Гол: 0:1 — 87, пенальти Омид НурафконЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)