Австралиядаги ўрмон ёнғинлари тутуни яқин орада Ер атрофини тўлиқ айланиб чиқади

Австралияда 2019 йилнинг ноябрь ойидан бери давом этаётган ўрмон ёнғинлари тутуни тез орада Ер атрофини тўлиқ айланиб, яна Австралияга қайтади. РБК’нинг хабар беришича, бу ҳақда NASA баёнотида маълум қилинди.

Агентлик мутахассисларининг таъкидлашича, 8 январда тутун Ер шарининг ярмини айланиб бўлди. «Тутун Ер атрофида камида бир марта тўлиқ айланиб, яна Австралияга қайтиши кутилмоқда», — дейилади NASA хабарида.

Бундан ташқари, NASA мутахассисларининг таъкидлашича, тутун кўп миқдордаги бир тўда булутлар пайдо бўлишига олиб келади. Кейин эса бу булутлар чақмоқли, лекин ёғингарчиликсиз момақалдироқ келтириб чиқаради.

The fires in Australia are not just causing devastation locally. A fleet of @NASAEarth satellites are working together to analyze the accumulation of aerosols and smoke, which is causing an unusually large number of fire-induced thunderstorms: https://t.co/9DRkatm0mf pic.twitter.com/MDZex82NbQ

— NASA (@NASA) January 9, 2020

Тутуннинг бундай кенг тарқалиши унинг стратосферага тушганидан сўнг зарралари ёнғин ўчоғидан минглаб километр узоқликка тарқалиши ва бутун дунёда атмосферага таъсир қилиши билан изоҳланган.

Тутун таъсирида Жанубий Америкада осмон ранги ўзгарган ва Янги Зеландияда ҳаво сифатига салбий таъсир кўрсатган. Шунингдек, тутун сабабли мамлакатдаги қорли тоғ чўққилари сезиларли қорайган.